醫生神探

一分鐘偷睇微生物世界


自古以嚟,人類一直想了解疾病係點樣傳播,同埋點解傳染病會影響咁多人。科學家叫呢個學科做傳染病學。以前啲人一直以為嗰啲傳染病係由「瘴氣」(miasma)引起。



直到19世紀,英國醫生威廉 ‧ 巴德(William Budd)嘅鄉下德雲郡(Devon)喺1839年爆發咗一場傷寒。喺呢個疫情裏面,佢見到個病好快咁由病人傳染咗俾照顧佢哋嘅人,即是「人傳人」,而唔係因為吸入咗咩瘴氣。家陣我哋知道傳染病係由嗰啲叫病原體(pathogens)嘅微生物引起。傷寒係由傷寒沙門氏菌引起,一般經由受「便便」污染嘅嘢食或者食水而傳染。


1854年,英國醫生約翰 ‧ 斯諾(John Snow)留意到倫敦一個貧民區裏面爆發咗霍亂,佢調查霍亂病人個案,仲畫咗病例地圖,確定區內嘅公共水泵係個傳染病源頭。於是佢說服當地嘅官停用嗰個水泵,跟住啲霍亂病例就即刻少咗,控制咗當地嘅疫情,證明咗個病係關啲污染咗嘅水事。斯諾嘅發現仲改善埋其他地區嘅公共衛生,啲人稱佢為傳染病學之父。


但係,嗰陣時仲係有好多人相信「瘴氣」整病啲人,直到1860年代,斯諾嘅「病菌理論」先至俾多啲人接受。



(原文刊登咗喺《樂鋒報》2021年4月號,呢篇係粵文加拎版。)



睇埋:

Cholera in Victorian London [Science Museum網站]


52 views

Recent Posts

See All