海洋 L M N

Updated: Mar 20


圖來自《良友之聲》3月號

L for Luminescence 冷發光

之前提過深海銀斧魚同埋鮟鱇魚,佢哋嘅身體能夠發光作為掩護或者覓食。深海中另外有一啲生物會發光去同同類溝通,仲有岸邊嘅「藍眼淚」夜光藻。佢哋同漆黑中嘅螢火蟲一樣,那樣鮮明和出眾。呢啲都係一種生物發光Bioluminescence嘅現像,即係生物體內靠特殊物質嘅化學反應產生光能。因為呢種光唔熱,所以又叫做冷發光。


gif

M for Marine snow 海洋雪

海洋下面都會落雪?其實喺淺海帶嘅動植物死咗之後,會腐爛同慢慢降落到海底,就比如枯葉飄落地面一樣。海洋雪仲包括動物糞便同埋淤泥等碎片,徐徐飄落去千米海底。因為望落似蓬鬆嘅雪花,所以被稱為海洋雪。持續不斷嘅海洋雪可以餵飽好多海中生物,例如一啲都唔嘴刁嘅海參,佢哋係海底清道夫,幫忙清理垃圾。


N for Natural gas 天然氣

儲藏喺地殼深處,天然氣嘅主要成份係被視為潔淨能源嘅甲烷。數千萬年前,海洋充滿咗植物同浮游生物,當佢哋死咗就會沉落海底。呢啲古生物遺骸掩埋喺層層泥沙之下幾千萬年加上地層變化,就俾壓力轉化成天然氣同石油。喺南中國海、日本海、大西洋北海,同埋美國加勒比海等地都有天然氣開採。

gif


原文登咗喺《良友之聲》2022年3月號,呢篇係粵文加拎版。

68 views

Recent Posts

See All